Kókshetaý polıtseıleri bir táýlikte 3 kólikti tonaǵandardy ustady
KÓKShETAÝ. QazAqparat - Kókshetaý polıtseıleri da bir táýliktiń ishinde 3 kólikti tonap ketken 19 jastaǵy jigitti ustady. Bul týraly Aqmola oblystyq ІІD-niń baspasóz qyzmetinen habarlady.
Polıtseılerdiń málimeti boıynsha 28 shilde kúni Kókshetaý qalalyq ІІB kezekshilik bólimine «ıÝbıleınyı» shaǵyn aýdanyndaǵy № 41 úıdiń turǵyny habarlasyp, aýlada turǵan kóliktiń ishinen belgisiz bireýdiń magnıtola, mýzykalyq kolonkasyn urlap ketkenin aıtyp shaǵymdanǵan.
Oqıǵa ornyna jedel jetken polıtseıler ury «VAZ 2107» kóliginiń esigin sáıkes keletin kilt arqyly ashqanyn anyqtady. Osy kúni polıtsııaǵa atalǵan úıge kórshi turatyn taǵy eki adam osyndaı aryzben keldi.
Jedel izdestirý sharasy barysynda esh jerde jumys istemeıtin, buryn osyndaı qylmysy úshin sotty bolǵan jergilikti 19 jastaǵy jigit qolǵa tústi. Sonymen qatar, onyń 21 jastaǵy sybaılasyda ustaldy.
«Qazirgi kezde kúdiktiler ýaqytsha ustaý oqshaýlaǵyshyna toǵytylyp, ústerinen QR QK 188-babynyń 2-bólimi boıynsha (tonaýshylyq) qylmystyq is qozǵaldy», dep kórsetilgen habarlamada.
