Kókshetaý-Petropavl jolyndaǵy kólik apatynda júrgizýshi áıel qaza tapty
SOLTÚSTІK QAZAQSTAN OBLYSY. QazAqparat - Kókshetaý-Petropavl kúre jolyndaǵy Kellerovka aýylynyń mańynda jol apaty saldarynan júrgizýshi áıel qaıtys boldy, dep habarlaıdy QazAqparat Soltústik Qazaqstan oblysy polıtsııa departamentiniń Instagram-daǵy paraqshasyna silteme jasap.
«10 mamyr kúni saǵat 07:00 shamasynda Petropavl – Nur-Sultan kúre jolynyń 387-shi shaqyrymynda Daewoo Ravon kóligin júrgizip kele jatqan 1975 jylǵy Aqmola oblysynda turatyn áıel joldyń qarama-qarsy jolaǵyna shyǵyp ketip, onda Petropavl turǵyny júrgizip kele jatqan «MAZ» kóliginiń tirkemesimen soqtyǵysqan. Jol-kólik oqıǵasy saldarynan Daewoo Ravon kóliginiń júrgizýshisi sol jerde kóz jumdy», - dep habarlady Taıynshy aýdandyq polıtsııa bóliminen.
Atalǵan fakti QR Qylmystyq kodeksiniń 345-babynyń 3-bólimi boıynsha Sot aldyndaǵy tergeýdiń biryńǵaı tizilimine engizildi. Qajetti saraptamalar taǵaıyndaldy.
