«Kókshetaý-Omby» respýblıkalyq kúre jolyn jóndeý jumystary merziminen buryn aıaqtaldy

Aqmola oblysynda A-13 «Kókshetaý-Omby» respýblıkalyq kúre joly jóndeýden ótti. Jóndeý jumystary merziminen buryn aıaqtaldy, dep habarlaıdy QazAqparat «Qazavtojol» mekemesine silteme jasap.

«Kókshetaý qalasynan jergilikti áýejaıǵa aparatyn kólik aıryǵyna deıingi jol bóligi jóndeldi. Mamandar jol jabynyn jańartyp, jıegin nyǵaıtty. Qozǵalysqa qatysýshylardyń qaýipsizdigin qamtamasyz etý úshin eski shamdar zamanaýı jaryqdıodty shamdarǵa aýystyryldy»,-delingen habarlamada.

Bastapqy 12 shaqyrym jol I sanatqa jatady. Tórt jolaqty qozǵalys qamtamasyz etilgen. Bir-birine qarama-qarsy kele jatqan kólikter joldyń ekinshi betine shyǵyp ketpeýi úshin arnaıy tosqaýyl qorshaýlar qarastyrylǵan.