Kókshetaý oqýshylary Prezıdenttiń «Órken» bilim grantyn ala alady
«Búgingi kúni respýblıka boıynsha 20 Nazarbaev zııatkerlik mektebi jumys isteıdi. Onda 14 myńnan astam oqýshy bilim alsa, 8 myńy túlep ushqan. Bul mektepterdiń barlyǵy CIS múshesi bolyp tabylady. 15 zııatkerlik mektep halyqaralyq akkredıtatsııadan ótti. Osy jyldyń sońyna deıin taǵy 5 zııatkerlik mektep (Almaty FMB, Almaty HBB, Aqtaý, Petropavl, Qostanaı) akkredıtatsııadan ótedi. 2018 jyldan bastap úsh tildi júıe kóptildi bolyp aýysyp, ekinshi shet tilin oqý mindetteldi. Ekinshi shet tilin úırený balanyń sóıleý qabiletin jáne jalpy damýyn ǵana jetildirip qoımaı, ony aınalasyndaǵy adamdarmen qarym-qatynas mádenıetine de úıretedi», - deıdi Aıan Altynbekov.
Kókshetaýdaǵy Nazarbaev zııatkerlik mektebindegi oqytý-tárbıe jumysynyń erekshelikteri, mekteptegi jáne mektepten tys jumystar men shetelde oqý múmkindikteri týraly atalmysh bilim ordasy túleginiń anasy Sáýle Saǵyntaeva men 11 synyp oqýshylary Qudyretýlla Amankeldi jáne Anel Qalıeva oı bólisti.
Brıfıng sońynda Aıan Altynbekov Nazarbaev zııatkerlik mektebinde oqýshylar kontıngentin qalyptastyrý úshin 2019-2020 jylǵy oqý jylyna 7-synyp oqýshylarynyń bilim alýy úshin Qazaqstan Respýblıkasy Tuńǵysh Prezıdentiniń «Órken» bilim grantyn taǵaıyndaý boıynsha baıqaý jarııalanǵanyn aıtty. Úmitkerlerdiń qujattary 2019 jyldyń 19 qańtarynan bastap Kókshetaý qalasy, Tileýlın kóshesi, 59 mekenjaıynda qabyldanady. Baılanys telefony - 8 (7162) 25-31-40.