Kókshetaý men Pavlodarda tústen keıin oqıtyn oqýshylar mektepke barmaıdy

ASTANA. QazAqparat - Qazaqstannyń eki óńirinde ekinshi aýysym oqýshylary úıden oqıdy, dep habarlaıdy QazAqparat.

Kókshetaý qalasynda sekýndyna 19 metr jyldamdyqpen soǵyp turǵan qatty jelge baılanysty 0-11 synyp oqýshylary mektepke barmaıdy.

Sondaı-aq Pavlodar qalasynda da ekinshi aýysymdaǵy mektepke daıarlyq tobynyń jáne 1-4 synyptyń oqýshylary qashyqtan bilim alady.

Qazir Pavlodarda aýa temperatýrasy -27 gradýs shamasynda.

Eske sala keteıik, búgin tańerteń Astanada da bastaýysh synyp oqýshylary sabaqty onlaın oqydy.

Tústen keıin aýa raıynyń jylynýyna baılanysty elordalyq oqýshylarǵa mektepke barýǵa ruqsat berildi.