Kókshetaý Memlekettik ýnıversıtetinde medıtsına fakýlteti ashylady
KÓKShETAÝ. QazAqparat - Sh.Ýəlıhanov atyndaǵy Kókshetaý memlekettik ýnıversıtetinde medıtsına fakýltet ashylady. Bul týraly Aqmola oblysynyń əkimi Məlik Myrzalınniń atalmysh joǵary bilim ordasynyń oqytýshylar quramy jáne stýdentterimen kezdesýinde aıtyldy, dep habarlaıdy QazAqparat tilshisi.
Oblysta joǵary bilim berýde baı dástúr qalyptasqan. Sonyń ishinde Shoqan Ýálıhanov atyndaǵy Kókshetaý memlekettik ýnıversıtetiniń alar orny erekshe. Osydan jarty ǵasyr buryn muǵalimder ınstıtýty bolyp bastaý alǵan bul oqý orny búginde oblysymyzdyń jetekshi, mańdaıaldy bilim ordasy, óńirimizdiń ǵylymı ortalyǵyna aınalyp otyr.
Aımaq basshysy aldymen, atalmysh ýnıversıtet ǵalymdary men stýdentterdiń ǵylymı shyǵarmashylyq jumystary usynylǵan kórmeni aralap kórdi. Odan ári ýnıversıtettiń rektory, tehnıka ǵylymdarynyń doktory, professor, Qazaqstannyń eńbek sińirgen qaıratkeri Ábdimútálip Ábjapparov aımaq basshysyn joǵary bilim ordasynyń materıaldyq-tehnıkalyq bazasymen tanystyrdy. Іrgeli bilim ordasy ujymynyń aldynda sóılegen sózinde aımaq basshysy joǵary bilim ordasynyń oblystyń ıntellektaýldy áleýetin qalyptastyrý jáne pedagog kadrlardy daıyndaý júıesin jetildirýde teńdesiz úles qosyp otyrǵanyn atap ótti.
«Memleket basshysy Nursultan Nazarbaevtyń sarabdal saıasatynyń arqasynda elimizde beıbitshilik pen ultarlyq kelisim ornaǵan. Osynyń arqasynda naryqtyq ekonomıka qalyptasyp, elimizdiń áleýmettik-ekonmıkalyq damý kórsetkishi arta túsýde. Bıylǵy jyly elimiz úshin tabysty boldy. TMD elderi arasynda birinshi bolyp, «EKSPO-2017» halyqaralyq mamandandyrylǵan kórmesi ótkizildi. Odan qaldy Almaty qalasynda ótken Dúnıejúzilik Azııada da elimizdiń mártebesin asqaqtata tústi. Elbasy óziniń «Bolashaqqa baǵdar: rýhanı jańǵyrý» atty maqalasynda qoǵamdyq sanany ózgertý úshin ekonomıka, saıası úrdisterdi jańǵyrtý týraly mindetter belgilegen bolatyn. Osy mindetterdi júzege asyrý turǵysynan alǵanda bizdiń oblysta da aýqymdy sharalar qolǵa alynýda», deı kele oblys ákimi óńirdiń əleýmettik-ekonomıkalyq damýy jaıynda aıtyp berdi.
Aımaq basshysy óz sózinde aýyl sharýashylyǵy, ónerkásip, mashına jasaý, taý-ken metallýrgııa salasyndaǵy jetistikterge toqtaldy. Ásirese, agrarly oblys respýblıka boıynsha astyqtyń 25 paıyzyn óndirse, júk kóligin óndirýdiń 55 paıyzyna qol jetkizip otyr. Temirjol salasyna qajetti iri gabarıtti podshıpnıkter TMD elderi boıynsha tek bizdiń oblysta ǵana shyǵarylady. Sonymen qatar, óńir basshysy osy kúni aýyl sharýashylyǵy, medıtsına tárizdi mamandyq ıeleriniń tapshylyǵyn sheshý baǵytynda qolǵa alynyp jatqan sharalardy da tilge tıek etti. Onyń ishinde keler oqý jyly atalymysh bilim ordasynyń qabyrǵasynda medıtsınalyq fakýltet ashý josparlanǵany aıtyldy. Onda jylyna 100 stýdent medıtsınalyq mamandyqtar boıynsha bilim alady. Bul elimizdiń soltústik oblystaryndaǵy tuńǵysh fakýltet bolmaqshy. Osy kúni qolynda dıplomy bar jas mamandardy jumysqa ornalastyrý úlken problema bolyp otyrǵan jaıy bar. Sol sebepti, aımaq basshysy ýnıversıtettiń eń úzdik stýdentterin jumysqa ornalastyrý boıynsha baıqaý jarııalaý qajettigin atap ótti. Oǵan qosa, bilim sapasyn arttyrý úshin ýnıversıtettiń professorlyq-oqytýshylyq quramyna oblystyq ákimdik tarapynan 3 qyzmettik páter beriletini de aıtyldy.
Sharany qorytyndylaǵan aımaq basshysy atalmysh joǵary bilim ordasynyń eń úzdik stýdentterine oblys ákiminiń granttaryn saltanatty túrde tabys etti.
