Kókshetaý mektebinde oqýshylar keptelisi týyndap, basshylyǵy tártiptik jazaǵa tartyldy

KÓKShETAÝ. QazAqparat – Kókshetaý qalalyq №1 mektep-gımnazııasynyń dálizinde oqýshylar topyrlap, qysylysyp qaldy. Osy oqıǵaǵa baılanysty mektep basshylyǵy tártiptik jazaǵa tartyldy, dep habarlaıdy QazAqparat tilshisi.

Kókshetaý qalasynyń №1 mektep-gımnazııasyndaǵy jaǵdaıdyń vıdeosy áleýmettik jelide jeldeı esti. Oqýshylar oqý ornynyń dálizinde qysylysyp qalǵan. Qysymnan keıbir balalar edenge qulaǵan. Osy másele boıynsha QazAqparat tilshisiniń saýalyna Aqmola oblysy bilim basqarmasynyń baspasóz qyzmeti jaýap berdi.

Vedomstvonyń baspasóz qyzmetiniń málimetinshe, Kókshetaý qalalyq №1 mektep-gımnazııasynda eki aýysymda 2 866 bala oqıdy. Bilim berý uıymy úsh aýysymnyń qataryna jatpaıdy. Sabaqtar shtattyq rejımde ótip jatyr.

«Áleýmettik jelilerde jarııalanǵan rolıkten keıin Aqmola oblysynyń bilim basqarmasy qyzmettik tergeý júrgizdi. Bul derek sabaqtar aıaqtalǵannan keıin, mektep dálizine barlyq synyp oqýshylary oqý kabınetterinen bir ýaqytta shyqqan kezde týyndaǵany anyqtaldy.

Qazirgi ýaqytta mektep ákimshiligi oqýshylardyń úziliske shyǵý jáne sabaqtan shyǵý kestesin rettedi. Qajetti sharalardy ýaqtyly qabyldamaǵan mektep basshylyǵy tártiptik jazaǵa tartyldy», - dedi basqarmanyń baspasóz qyzmetinen.