Kókshetaý mańynda kólik jylqyny qaǵyp ketti
KÓKShETAÝ. QazAqparat – Kókshetaýdyń mańynda «Mercedes-Benz» kóligi jolda jaıylǵan jylqyny qaǵyp ketti, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, jol-kólik oqıǵasy «Kókshetaý-Rýzaevka» tas jolynyń 4 shaqyrymynda bolǵan.
Oqıǵa ornyna jetken polıtsııa qyzmetkerleri jylqynyń joldyń ústinde jaıylǵanyn, «Mercedes-Benz» kóliginiń júrgizýshisi tejegishti basyp úlgere almaǵanyn anyqtady. Jol apatynan jylqy ólip, al kólikke biraz zaqym kelgen. Kólik júrgizýshisi rýlde saý bolǵan. Onyń densaýlyǵyn zııan kelgen joq.
«Qazirgi kezde oqıǵanyń mán-jaıy anyqtalyp jatyr. Eger mal ıesi kináli bolsa, onda ol QR ÁQbK 615-babynyń 1-bóligi boıynsha ákimshilik jaýapqa tartylady», - dep túsindirdi vedomstvodan.
