Kókshetaý mańynda qoqys polıgonynan órt shyqty
KÓKShETAÝ. QazAqparat – Aqmola oblysynda qatty turmystyq qaldyqtar polıgonynda qoqys janyp jatyr, dep habarlaıdy QazAqparat.
«Kókshetaý mańyndaǵy Qyzyljar aýylynan eki shaqyrym jerde qatty turmystyq qaldyqtar polıgonynda qoqystar byqsyp janyp jatyr. Aldyn ala málimet boıynsha, aýmaǵy 200 sharshy metrdi quraıdy. Jasalǵan sharalardyń arqasynda saǵat 22.50-de órttiń taralýy toqtatyldy. Aýyzdyqtaý jumystaryna oblystyq TJD men jergilikti atqarýshy organdardyń 31 adamy men 12 tehnıkasy jumyldyryldy. Polıgonnyń jalpy aýmaǵy 30 gektar», - dedi QR ІІM Tótenshe jaǵdaılar komıtetiniń resmı ókili Nursultan Nurahmetov.
