«Kókshetaý-Kishkenekól-Bıdaıyq-RF shekarasy» avtojolyn jumystary bıyl aıaqtalady
NUR-SULTAN. QazAqparat - «Kókshetaý-Kishkenekól-Bıdaıyq-RF shekarasy (Omsk)» avtojolyn jóndeý jumystary 2019 jyly aıaqtalady, dep habarlaıdy «Qazavtojol» kompanııasy.
Kompanııa taratqan málimetterge qaraǵanda, respýblıkalyq mańyzy bar tasjoldy jóndeý jumystary Soltústik Qazaqstan oblysynyń Aqjar aýdanynda júrgizilýde. «Kókshetaý-Kishkenekól-Bıdaıyq-RF shekarasy (Omsk)» avtojolynyń 25 shaqyrym ýchaskesi ortasha jóndeý jumystarymen qamtylǵan.
«ArmStroı» JShS 131-156 shaqyrym aralyǵynda jol telimine jańa materıaldar qosý arqyly jol tabanyn ornatýda jáne asfalt-beton qospadan tegisteýshi qabatty tóseýde.
Jol jabynyn ortasha jóndeý jumystary resaıklıng tehnologııasy arqyly júrgizildi. Respýblıkalyq mańyzdaǵy «Kókshetaý-Kishkenekól-Bıdaıyq-RF shekarasy (Omsk)» avtojoly ІІІ tehnıkalyq sanatqa sáıkes. Bul jolmen táýligine 1 895-ke jýyq avtokólik júrip ótedi. Jospar boıynsha jóndeý jumystary aǵymdaǵy jyldyń kúzinde tolyq aıaqtalady.
