Kókshetaý qalasynyń prokýratýrasy «Óz úıińdi sal» jobasyn qolǵa aldy
KÓKShETAÝ. QazAqparat - Kókshetaý qalasynyń prokýratýrasymen «Óz úıińdi sal» jobasy júzege asyrylýda, dep habarlaıdy QazAqparat tilshisi.
Kókshetaý qalasynyń prokýratýrasynyń deregi boıynsha qazirgi ýaqytta oblys ortalyǵynda jekemenshik turǵyn úı qurylysy úshin jer telimin alýǵa 12 000-nan astam azamat kezekte tur.
Jobanyń maqsaty - 2004 jyldan bastap kezekte turǵan turǵyndarǵa jekemenshik turǵyn úı qurylysy úshin jer telimin berý jáne kezekti 5000 azamatqa azaıtý.
Qalanyń jer qorynda Stantsıonnyı kentinde - 2 291, Birlik shaǵyn aýdanynda - 161, Saryarqa shaǵyn aýdanynda - 661, Qyzyl jar aýyly men Nurlykósh kentiniń arasynda 130 jer ýchaskesi bar.
Injenerlik jelilerdi qamtamasyz etý boıynsha jobalaý-smetalyq qujattary ázirlendi. Jer telimderi qala mańynan ǵana beriledi.
Qazirgi ýaqytta joba sheńberinde kezekte turǵan azamattarǵa 300-den astam jer telimderi berildi.
