Kókshetaý qalasynyń mereıtoıyna oraı aqyndar festıvali ótti

Aqmola oblysynyń ákimi Ermek Marjyqpaev festıval qatysýshylaryna shyǵarmashylyq tabys tiledi.

«Bul oblystyń mádenı ómirindegi mańyzdy oqıǵa, ol óńirlik ádebıettiń damýyna, jergilikti sýyryp salma aqyndardyń, jazýshylar men sal-serilerdiń shyǵarmashylyǵyn tanymal etýge yqpal eteri sózsiz. Sizderdiń poezııalaryńyz týǵan ólkege, týǵan elge, týǵan jerge degen súıispenshilikke toly. Ulttyq mádenı murany saqtaýǵa jáne ony molaıtýǵa qosqan qomaqty úlesterińiz úshin shynaıy alǵysymdy jetkizemin», - dep atap ótti ákim.

Shahmet Qusaıynov atyndaǵy Aqmola oblystyq qazaq mýzyka-drama teatrynyń sahnasynda oblystyń 17 belgili aqyndary men ánshileri Kókshetaý qalasynyń tarıhynan jarqyn paraqtardy jáne onyń qazirgi zamanǵy kezeńdegi jetistikterin shyrqaı otyryp, ózderiniń shyǵarmashylyǵyn pash etti.

Olardyń arasynda aqyn, «Alash» halyqaralyq ádebıet syılyǵynyń laýreaty, Zerendi jáne Birjan sal aýdandarynyń qurmetti azamaty Qorǵanbek Amanjol, Qazaqstan Jazýshylar odaǵynyń múshesi Qudaıberli Myrzabek, «Altyn dombyra» syılyǵynyń eki dúrkin ıegeri Muhtar Nııazov, respýblıkalyq, halyqaralyq aıtystardyń jeńimpazy Qurmet Quralhan, «Shabyt» halyqaralyq festıvaliniń dıplomanty, «Semser» ádebı syılyǵynyń laýreaty Qýanysh Ospan jáne basqa da kóptegen jas daryndar, sonyń ishinde oblystyq, respýblıkalyq jyr-múshaıralardyń birneshe dúrkin jeńimpazdary Abylaıhan Áshimhan, Abzal Baltabaı, Abylaıhan Naýryzhan sııaqty jas daryndar bar.

Іs-shara aıasynda poezııa óneriniń ataqty sheberleri Tólegen Qajybaev pen Iran sal Tasqaraǵa qurmet kórsetildi.

Sondaı-aq, «Kókshetaý - Nur-Sultan» trassasynyń boıynda tarıhı tulǵalar - Aqan seri, Birjan sal, Balýan sholaq, Úkili Ybyraı, han Kenesary Qasymuly qurmetine eskertkishterdiń ornatylǵany týraly fılmniń tusaýkeseri boldy. Atalǵan jumystyń avtory - Qazaqstan sýretshileri odaǵynyń múshesi Qazybek Satybaldın.