Kókshetaý qalasynyń birqatar kóshesine qazaqsha ataýlar beriledi

ASTANA. QazAqparat – Kókshetaý qalasynyń birqatar kóshesine qazaqsha ataýlar beriledi, dep habarlaıdy QazAqparat tilshisi.

Ashyq normatıvtik-quqyqtyq aktiler portalynda jarııalanǵan Aqmola oblysy ákiminiń qaýlysynda «Park bortsam za revolıýtsııý» saıabaǵyn «Alash arystary» saıabaǵyna; Nursultan Nazarbaev dańǵyly boıyndaǵy jaǵalaý ataýyn Kákimbek Salyqov atyndaǵy jaǵalaýǵa; 2 gornaıa kóshesin Tańsamal kóshesi; Alma-Atınskaıa kóshesi (Transkrıptsııasyn naqtylaý maqsatynda ) Almaty kóshesine; Dmıtrıev kóshesin Kúıshi Dáýletkereı kóshesine; Kırvetka kóshesin Kerýen kóshesine; Kosmonavtar kóshesin Ǵaryshkerler kóshesine; Nıkıtın kóshesin Botaı kóshesine; Shýchınskaıa kóshesin Baıqonys kóshesine aýystyrylatyndyǵy aıtylǵan.

Qujat 4 qyrkúıekke deıin qoǵamdyq talqylaýǵa shyǵarylyp otyr.