Kókshetaý qalasynyń ákimi Baýyrjan Ǵaısa qyzmetinen ketti

KÓKShETAÝ. KAZINFORM – Kókshetaý qalasynyń ákimi Baýyrjan Ǵaısa qyzmetinen ketkeni týraly áleýmettik jelidegi paraqshasynda jazdy. 

«Qurmetti, kókshetaýlyqtar! Men Kókshetaý qalasynyń ákimi qyzmetinen kettim. Biz qalalyq ınfraqurylymdy jaqsartýǵa jáne azamattarymyzdyń ómir súrý sapasyn arttyrýǵa baǵyttalǵan birqatar bastamany iske asyra aldyq dep oılaımyn. 2021 jyldan bastap qazirgi ýaqytqa deıin 144 KTÚ tapsyryldy, 170 km astam jol jóndeldi, 39 balalar men 47 sport alańdary salyndy. Bıyl Halyq qatysatyn bıýdjet jobasyn iske asyrý aıasynda 19 alańnyń qurylysy júrgizilýde. Qıyn da qyzyqty jolda menimen birge bolǵandardyń barlyǵyna alǵys aıtqym keledi», - delingen jazbada.

Aıta ketsek, Baýyrjan Ǵaısa 1972 jyly týǵan. Chelıabınsk memlekettik agroınjenerlik ýnıversıtetin, Sh.Ýálıhanov atyndaǵy Kókshetaý ýnıversıtetin, Polshanyń Kýtna qalasyndaǵy memlekettik joǵary ekonomıka mektebin bitirgen. Eńbek jolyn jumysshy retinde bastady.

Ár jyldary «Nur Otan» HDP Kókshetaý qalalyq fılıaly tóraǵasynyń birinshi orynbasary, keıin Aqmola oblystyq fılıaly tóraǵasynyń orynbasary boldy.

Sonymen birge, Qorǵaljyn aýdanynyń ákimi, Aqmola oblysy ákimi apparaty basshysynyń orynbasary jáne Zerendi aýdanynyń ákimi qyzmetin atqardy.

2021 jyldan bastap Kókshetaý qalasynyń ákimi boldy.

Eske salaıyq, budan buryn Aqmola oblysynda aýdan ákimi men basqarma basshysy qatań sógis alǵanyn jazǵan edik.