Kókshetaý qalalyq soty qala ákimdigine jeke qaýly shyǵardy
KÓKShETAÝ. QazAqparat - Kókshetaý qalalyq soty qala ákimdigine jeke qaýly shyǵardy. Bul týraly Aqmola oblystyq sotynyń baspasóz qyzmetinen habarlady.
Habarlamada Kókshetaý qalalyq soty jaýynger-ınternatsıonalıstiń buzylǵan quqyǵyn qalpyna keltirý týraly qala ákimdigine qoıǵan talaby boıynsha kelip túsken azamattyq istiń qaralǵany aıtylady.
Sotqa belgili bolǵandaı, G. ózge memlekettiń aýmaǵynda qarýly áreketterge qatysýshy retinde jeńildikter men kepildikter alý boıynsha Uly Otan soǵysyna qatysýshylarǵa teńestirilgen tulǵalar qataryna jatady. Sondyqtan turǵyn úıge muqtaj azamattardy esepke alý barysynda Kókshetaý qalasynyń ákimdigi ony turmysy tómen otbasy retinde emes, jaýynger-ınternatsıonalıst dárejesi boıynsha tizimge qoıýy qajet bolatyn. Bul talapkerge Uly Otan soǵysyna qatysýshylarmen jáne múgedekterimen teń birinshi kezekte turǵyn úı alý múmkindigin berer edi.
Alaıda ákimdiktegiler kerisinshe, 2010 jyldyń 25 qarashasynda shyǵarylǵan sot sheshimin oryndaý maqsatynda jaýynger-ınternatsıonalısti turǵyn úıge muqtaj jandardyń №2 kezegine qoıǵan. Al shyndyǵynda bul azamat turǵyn úıge muqtaj jandardyń №1 tiziminde turýy tıis bolatyn.
Osyǵan uqsas buzýshylyqtardy ári qaraı boldyrmas úshin sot ákimdiktiń atyna anyqtalǵan buzýshylyqtardy joıýdy mindetteıtin jeke qaýly shyǵardy. Uıǵarym zańdy kúshine engen joq.
