Kókshetaý halqy Bəıken Əshimovtiń 100 jyldyǵyn atap ótti
KÓKShETAÝ. QazAqparat - Kókshetaýda Qazaqstannyń kórnekti qoǵam jáne memleket qaıratkeri Bəıken Áshimovtiń 100 jyldyǵy atalyp ótildi, dep habarlaıdy QazAqparat tilshisi.
«Dostar» mədenıet saraıynda uıymdastyrylǵan taǵylymdy sharaǵa qoǵam qaıratkerleri men zııaly qaýym ókilderi qatysty.
Bəıken Əshimov burynǵy Aqmola oblysy Kókshetaý ýezi, Aıyrtaý bolysy Shabanbaı bı aýylynda 1917 jyly týyp, 2010 jyly dúnıeden ozǵan. Qarapaıym aýyl balasy Qazaqstannyń kórnekti memleket jəne qoǵam qaıratkeri dərejesine kóterilip, Sotsıalıstik Eńbek Eri ataǵyn aldy. 1970 jyly Qazaq KSR Mınıstrler Keńesiniń Tóraǵasy bolyp taǵaıyndaldy, bul qyzmette on tórt jyl jumys istegen ol tyń jəne tyńaıǵan jerlerdi ıgerýge, Qazaqstannyń aýyl ekonomıkasyn kóterýge súbeli úles qosty. 1984-1985 jyldary Qazaq KSR Joǵarǵy Keńesi Tóralqasynyń Tóraǵasy boldy. 1985 jyldan derbes zeınetker. Bəıken Əshimov tórt Lenın, birinshi dərejeli eki Otan soǵysy, Qyzyl Juldyz ordenderimen jəne medaldarmen, sondaı-aq, Mońǵolııa men Polshanyń ordenderimen marapattalǵan. Qazaqstan Respýblıkasynyń Tuńǵysh Prezıdenti Nursultan Əbishuly Nazarbaev qazaqtyń abyz qarty Bəıken Əshimov zor qurmet tutyp, ərdaıym adamgershilik asyl qasıetterin jəne elge sińirgen eńbegin joǵary baǵalap otyrdy. Sonyń bir aıqyn aıǵaǵyndaı 2014 jyly Almatydaǵy Tólebaev 119 kóshesindegi Bəıken Əshimov turǵan úıge eskertkish taqtasy ornatyldy. 5 jeltoqsan kúni Almatydaǵy Jandosov pen Rozybakıev kósheleriniń qıylysynda Bəıken Əshimov atyndaǵy meshit ashyldy. Kirer esiktegi qara mramorǵa úsh tilde altyn əriptermen «Bəıken meshiti 2014 jyly Qazaqstan Respýblıkasynyń Tuńǵysh Prezıdenti - Ult Kóshbasshysy Nursultan Nazarbaevtyń bastamasy boıynsha salyndy» - dep jazylǵan.
