Kókshetaý elevatorynda bolǵan jumysshy óliminiń mán-jaıy anyqtaldy
KÓKShETAÝ. QazAqparat – Aqmolada raps kúnjarasyn ótkizýge arnalǵan shuńqyrǵa qulap, tunshyǵyp kóz jumǵan slesardiń ólimine qatysty arnaıy komıssııa quryldy. Bul týraly oblystyq eńbek ınspektsııasy jónindegi basqarmanyń eńbekti qorǵaý jáne qaýipsizdikti baqylaý bóliminiń basshysy Jylqaıdar Beısembaev aıtty, dep habarlaıdy QazAqparat tilshisi.
«Kúnniń ylǵaldy bolýynan elevatordaǵy kúnjara qatparlanyp, shuńqyrdan ótpeı turyp qalǵan. Ony ıterý úshin slesar joǵary shyqqan. Alaıda, ol bulaı istemeýi kerek edi. Onyń salmaǵynan qatpar opyrylyp, er adam shuńqyrǵa qulap ketken», - dep túsindirdi Jylqaıdar Beısembaev.
Onyń sózinshe, sol kezde slesardiń janynda eshkim bolmaǵan. Kómek kelgenshe er adam kúnjaraǵa kómilip, tunshyǵyp qalǵan.
«Qazirgi kezde arnaıy komıssııa qurylyp, qaıǵyly jaǵdaıdyń mán-jaıy anyqtalyp jatyr», - dep tolyqtyrdy J.Beısembaev.
Eske sala keteıik, osyǵan deıin habarlaǵanymyzdaı, Kókshetaý qalasynyń 31 jastaǵy turǵyny, jergilikti JShS slesari shuńqyrǵa qulap, kóz jumǵan edi. Osy oqıǵaǵa baılanysty QR QK 156-babynyń 3-bóligi (eńbekti qorǵaý erejesiniń buzylýy) boıynsha is qozǵalyp, sotqa deıingi tergeý amaldary júrgizilýde.
