Kókshetaý dúkenine jarylǵysh zat qoıyldy dep habarlaǵan adam izdestirilip jatyr

KÓKShETAÝ. QazAqparat - Kókshetaýda dúkenge jarylǵysh zat qoıylǵandyǵy týraly habarlamadan keıin adamdar evakýatsııalandy, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, 6 mamyrda er adam habarlasyp, jarylǵash zat týraly aıtqan.

«Aıtylǵan jerge dereý polıtsııa qyzmetkerleri, UQK, prokýratýra, TJD qyzmetkerli baryp, dúken ornalasqan ornalasqan kóp qabatty úıdiń turǵyndaryn evakýatsııalady.Tekserý sharalary barysynda kúdiki jarylǵysh zattar tabylǵan joq. Atalǵan derek Qylmystyq kodekstiń 273-baby «Terrorızm aktisi týraly kórineý jalǵan málimet taratý» boıynsha sotqa deıingi tergep-tekserýdiń biryńǵaı tizilimine engizildi», - dedi vedomstvodan.

Qazirgi kezde, belgisiz adamnyń jeke basy anyqtalýda, ol jarylǵysh zat týraly jasyryn túrde habarlaǵan.