Kókshetaý dárigerleri arnaıy jınalmaly sómkemen qamtamasyz etildi
KÓKShETAÝ. QazAqparat – Kókshetaý qalalyq emhanasynda naýqastarǵa sapaly qyzmet kórsetý maqsatynda jalpy tájirıbedegi dáriger, pedıatr, terapevt jáne patronattyq medbıkelerge tıisti aspaptar jáne jabdyqtar salynǵan jınalmaly sómke satyp alyndy, dep habarlaıdy QazAqparat Aqmola oblystyq densaýlyq saqtaý basqarmasynyń baspasóz qyzmetine silteme jasap.
«Biz 60-qa jýyq jınalmaly sómke satyp aldyq. Ondaǵy medıtsınalyq aspaptar naýqastardy tııanaqty qarap, sapaly dárigerlik qyzmet kórsetýge múmkindik beredi. Biz mundaı tájirıbeni máskeýlik áriptesterimizden kórip, ózimizdegi medıtsınalyq uıymdarda qoldanýdy durys dep sheshtik. Jalpy tájirıbedegi dárigerlerde mundaı aspaptardyń sany jeterlik, sondyqtan, turǵyndardyń dáriger mamandarǵa júgingýi azaıady», - deıdi densaýlyq saqtaý basqarmasynyń baspasóz hatshysy Fatıma Rassolova.
Onyń aıtýynsha, jalpy tájirıbedegi dárigerlerde oftolmoskop jáne otoskop, al doktorlar otolarıngolog jáne okýlıste oqýdan ótip, tájirıbede qoldanýdy úırendi.
«Jalpy tájirıbedegi dárigerler balalardan bastap, eresekterde kezdesetin aýrýdyń barlyq túrin bilýi tıis. Dáriger kez-kelgen aýrýdy anyqtap, durys em shara qoldaný qajet. Eger bilimi jetpeı, jatqan kezde naqty mamanǵa júginýine bolady. Álemdik tájirıbe kórsetip otyrǵandaı, bastaýysh medıtsınalyq kómek osyndaı dárigerlerdiń qolynda», - dep tolyqtyrdy qalalyq emhananyń bas dárigeri Ǵalııa Sabataeva.
Aıta keteıik, otbasylyq dáriger barlyq dertti emdeı bermeıdi. Shuǵyl jaǵdaılar bolǵan kezde, jedel medıtsınalyq kómek jáne naqty mamandardyń keńesine júginýge bolady.
