Kókshetaý avtovokzalynyń ǵımaratynda jańa jazý paıda boldy
KÓKShETAÝ. QazAqparat - Kókshetaý avtovokzaly qaladaǵy mańyzdy mańyzdy kólik nysandarynyń biri. Pandemııaǵa deıin ol qalamańy jáne qalaaralyq reısterge qyzmet kórsetti. Baǵyttar sany táýligine 40 saparǵa deıin jetti.
Jolaýshylar Nur-Sultan, Temirtaý, Pavlodar, Petropavl, Rýdnyı qalalaryna baryp júrdi. Sondaı-aq, Qazaqstan shekarasyna jaqyn ornalasqan Omby, Ekaterınbýrg, Túmen, Qorǵan sııaqty Reseı qalalary da baǵyttar kartasyna engizildi, dep habarlaıdy «QazAqparat» HAA oblystyń ishki saıasat basqarmasyna silteme jasap.
Búginde saparjaı oblys aýmaǵynda jeti baǵytqa ǵana qyzmet kórsetedi. Bıylǵy jyly saparjaı ǵımaratyna jóndeý jumystary júrgizilip, syrtqy tóbesi aýystyryldy jáne nysanǵa ishinara jańartý jumystary júrgizildi.
Basshylyqtyń aıtýynsha, saparjaı ǵımaraty 1980 jyldardyń basynda salynǵan jáne sodan beri syrtqy kelbetin ózgertpegen. Bul eki qabatty aq beton qurylymy. Jabyq toqtaý platformalary vokzaldyń artynda, avtobýs turaǵymen birge ornalasqan. Birneshe jyl buryn keshen dýalmen qorshalyp, kireberis shlagbaýmmen jabdyqtalǵan.
Taǵy bir jańalyq - ǵımaratta «avtovokzal» sózi qazaq tilinde jazyldy. ıAǵnı, «Saparjaı» sózi oblys ortalyǵynyń ásem kelbetin asha tústi.
«Meniń oıymsha, bul óte mańyzdy oqıǵa, óıtkeni saparjaı kólik ınfraqurylymynyń jelisi retinde mańyzdy ról atqarady. Buryn koronavırýsqa deıin kóptegen tranzıttik baǵyttar bizdiń saparjaı arqyly ótetin, al adamdar tranzıttik jolaýshylar bolyp esepteledi. Sondyqtan qalany kórmeıtin, tek saparjaıdy kóretin adamdar osynda kelip, ári qaraı tranzıtpen júredi. Olar bizdiń qalamyzdyń vokzalyn kórgende, qala týraly áser alyp, olardyń Kókshetaý týraly pikiri qalyptasady. Endi saparjaıymyzdy kórgen adam jaqsy áserde bolady», - degen oıymen bólisti saparjaı dırektory Saılaý Nurtazın.
