Kókshetaý avtobýstarynda jol aqysy qymbattaıdy

KÓKShETAÝ. QazAqparat – Kókshetaýda 11 shildeden bastap qoǵamdyq kólikte jol júrý aqysy kólik kartasymen paıdalanatyndar úshin 100 teńgege jáne qolma-qol tóleıtinder úshin 180 teńgege deıin qymbattaıdy, dep habarlaıdy QazAqparat tilshisi.

Kókshetaý qalasy ákimdigi baspasóz qyzmetiniń málimetinshe, Qazaqstan Respýblıkasynyń «Avtomobıl kóligi týraly» zańyna sáıkes oblys ortalyǵynda jolaýshylar men júkti qalaishilik avtomobılmen turaqty tasymaldaý úshin saralanǵan tarıf belgileý týraly qaýly shyǵaryldy.

Osyǵan baılanysty qalaishilik qatynasta jolaýshylar men júkti avtomobılmen turaqty tasymaldaýdyń baǵasy eresekterge arnalǵan kólik kartasy arqyly qolma-qol aqshasyz tóleý kezinde 80 teńgeden 100 teńgege deıin ósedi.

Jetiden on bes jasqa deıingi balalar kartamen 40 teńge tóleıtin bolady.

Biraq qolma-qol aqshamen tólegen kezde eresekterge 180 teńgege (150 ornyna) aqsha tóleýge týra keledi. Jetiden on bes jasqa deıingi balalarǵa kartasyz jol júrý 70 teńge turady.

«Eger elektrondyq tólem júıesinde aqaý shyqqan kezde, kólik kartalaryn qoldanatyn jolaýshylardyń tegin jol júrýge quqyǵy bar», - dedi vedomstvodan.

Qaýly 2023 jylǵy 11 maýsymnan bastap zańdy kúshine enedi.

Bıylǵy jyldyń 31 mamyrynda Kókshetaý qalasynyń qoǵamdyq kóliginde jol aqysyn tóleýdiń balamaly tásilderi engizildi.

Endi kókshetaýlyqtar jol aqysyn Visa, Mastercard, Unoin Pay, American Express, JCB, Diners Club, Discover bank kartalarymen tóleı alady.

Sonymen qatar, jol aqysyn smartfon nemese smart saǵattaǵy Apple Pay, Samsung Pay, Google Pay sekildi kontaktisiz tólem (Nfs) júıesi arqyly tóleýge bolady.

Aıta ketsek, budan buryn árbir ekinshi mamandandyrylǵan avtokólik Aqmola oblysynda shyǵarylatynyn jazǵan edik.