Kókshetaý avtobýs parki jańa avtobýstarmen tolyqty
KÓKShETAÝ. QazAqparat – Kókshetaýda qoǵamdyq kólikterdi jańartý jumystary jalǵasýda. Qarasha aıynda qalada «Yutong» markaly taǵy 50 jańa avtobýs jolǵa shyǵady, dep habarlaıdy QazAqparat tilshisi oblystyq ishki saıasat basqarmasyna silteme jasap.
Vedomstvonyń málimeti boıynsha jańa kólikter jergilikti klımat jaǵdaıyna beıimdelgen, beınebaqylaý, kondıtsıoner, GPS avtonavıgator, symsyz ınternet jelisi jáne jylytý júıesimen jabdyqtalǵan.
Elektrondy bılet almasý júıesi bar. Sondaı-aq múmkindigi shekteýli jandar úshin kótergish te qarastyrylǵan. COVID-19 kúresý maqsatynda avtobýs salonynda dezınfektsııalaý qurylǵysy men aýa tazalaıtyn ýltrakúlgin shamy bar. 32 avtobýstyń uzyndyǵy 10 metr, al 18 avtobýstiki 11,7 metrdi quraıdy. «2018 – 2020 jyldarǵa arnalǵan avtobýs tasymalyn damytý boıynsha keshendi baǵdarlamaǵa sáıkes, ótken jyly Qostanaıdaǵy «SaryarkaAvtoProm» JShS qurastyrylǵan «Yutong» markaly taǵy 44 jańa avtobýs satyp alyndy. Bıylǵy jyly da bul baǵytta jumystar jalǵasýda.
Búgingi tańda 7 avtobýs Kókshetaýǵa jetkizildi. Qalǵan 43 avtobýs qarashanyń 11-de jetkiziledi. Osylaısha, qaladaǵy qoǵamdyq kólikterdiń parki 50 paıyzǵa jańarady», – dep atap ótti jolaýshylar kóligi men avtomobıl joldary basqarmasynyń basshysy Arsen Janǵasqanov.
Aıtalyq, joba qala turǵyndarynyń ómir súrý sapasyn jaqsartýǵa, qoǵamdyq kólikterdegi qyzmet sapasy men qaýipsizdigin arttyrýǵa baǵyttalǵan.
