Kókshetaý áýejaıy IKAO-nyń 1-shi sanatyna sáıkestendirilip jatyr
2010 jyly iske asyrylýy bastalǵan Kókshetaý qalasynyń áýejaıyn qaıta salý jobasy aıaqtalýǵa jaqyn.
Jumystar aıaqtalǵan soń, atalǵan áýejaı barlyq halyqaralyq talaptarǵa jaýap beretin jáne IKAO-nyń 1-shi sanatyna saı keletin elimizdegi 11-shi áýejaı bolmaq. Bul týraly QR Kólik jáne kommýnıkatsııa mınıstrliginiń baspasóz qyzmetinen málim etti.
Aǵymdaǵy jyldyń sońyna deıin perrondy, áýe kemeleriniń turaǵyn, burylý joldaryn, JJM qoımasynyń qurylysyn, aerovokzal keshenin jáne ózge de kómekshi nysandardy qaıta salý jumystaryn aıaqtaý josparlanǵan.
Joba boıynsha barlyq nysandardy tapsyrý aǵymdaǵy jyldyń sońyna belgilengen.
QR KKM Azamattyq avıatsııa komıtetiniń aqparatyna sáıkes qarasha aıynda quramyna barlyq múddeli memlekettik organdardyń ókilderi engen qabyldaý komıssııasy uıymdastyrylady.
Nysan «QR Qurylys normalary jáne erejelerine (QNjE)» sáıkes kelgen jaǵdaıda ǵana resmı túrde qabyldanatyn bolady. Bas merdigermen kelisilgen shartqa sáıkes, atqarylǵan jumystardyń kepildi merzimi nysan tapsyrylǵan kúnnen bastap 60 aıdy quraıdy. Eger osy merzim ishinde qandaı da bir aýytqýlar anyqtalsa, olar merdigerdiń esebinen qaıta jóndeledi.
Anyqtama: IKAO-nyń 1-shi sanatyna jatatyn áýejaılar Eırbas-319, 320, 321, Boıng-757, Embraer-190 sekildi sońǵy úlgidegi áýe kemelerin tiginen 60 metr, kóldeneńinen 800 metr kóriný jaǵdaıynda qabyldaı alady.
