Kóksheniń kórkem kelbetin saqtaǵan ulttyq park
ASTANA. KAZINFORM — Aqmola oblysynyń soltústiginde ornalasqan Kókshetaý ulttyq parki Zerendi, Shalqar, Imantaý jáne Aıyrtaý óńirleriniń taýly-ormandy alqaptary men kólderin biriktiretin biregeı tabıǵı keshen.
Ekologııa jáne tabıǵı resýrstar mınıstrliginiń málimetinshe, Qazaqstan Respýblıkasy Úkimetiniń qaýlysymen Soltústik Qazaqstannyń taýly-ormandy jáne kólderdiń ekojúıelerin, tarıhı, arheologııalyq jáne ulttyq mádenı eskertkishterin saqtaý maqsatynda 1996 jyly sáýir aıynda qurylǵan.
Park negizinen Kókshetaý qalasynan 60 km ońtústik-batysqa qaraı 182076 gektardan astam aýmaqpen, Zerendi, Shalqar, Imantaý, Aıyrtaý aımaqtarynyń taýly-ormandy alqaptary men kólder aıdynyn qamtıdy.
«Kókshetaý» memlekettik ulttyq tabıǵı negizgi mindetteri:
— ólshemdik jáne tańǵajaıyp tabıǵat keshenderi men mádenı muralar birligin saqtaý;
— ǵylymı ádister men negizderdi engizý;
— búlingen tabıǵat jáne tarıhı-mádenı keshender, obekterdi qalpyna keltirý halyqtyń ekologııalyq saýattylyǵyn arttyrý;
— ekologııalyq monıtorıng júrgizý;
Munda tabıǵat keshenderiniń birligi, sırek jáne quryp bara jatqan aǵzalar túrleri, tabıǵattyń qaıtalanbas bitimi, ósimdikter jáne janýarlar dúnıesiniń resýrstary saqtalady.
— Janýarlar men ósimdikter dúnıesi baı jáne alýan túrli. Ormandarda sileýsin, bulandar, buǵylar, qabandar, túlki, qoıan, qarsaq jáne basqa da janýarlar túri mekendeıdi. Kólder baǵaly tuqymdarǵa jatatyn kókshubar, aqsaha balyqtary sııaqty ózge de balyqtarǵa baı. oqan Ýálıhanov murajaıy, «Qarasaı batyr» memorıaldyq kesheni, Qarsaq ejelgi qorymy, Botaı arheologııalyq eskertkishine sapar shegip, umytylmastaı áser alasyz, — delingen mınıstrlik habarlamasynda.
«Kókshetaý» memlekettik ulttyq tabıǵı saıabaq aýmaǵynda Respýblıkalyq mańyzdy 13 tabıǵat eskertkishteri bar. Olarǵa týrıstik marshrýttar jasalynǵan. Bular jergilikti halyq pen týrısterdiń súıikti jerleri.
Osyǵan deıin ıÝNESKO tizimindegi Katonqaraǵaı ulttyq parki týraly jazǵanbyz.
