Kókshelikter Almatydaǵy Ǵ.Músirepov atyndaǵy balalar teatrynyń qoıylymyn tamashalaýda
KÓKShETAÝ. QazAqparat - Kókshetaýǵa Almatydaǵy Ǵabıt Músirepov atyndaǵy qazaq memlekettik akademııalyq balalar men jasóspirimder teatry gastroldik saparmen kelip, Shahmet Qusaıynov atyndaǵy oblystyq qazaq mýzykalyq-drama teatrynda dramatýrg Iran-Ǵaıyptyń «Estaıdyń Qorlany» mahabbatnamasyn kórermen nazaryna usyndy.
Atalmysh teatrdyń dırektory - Sultan Sraılov, kórkemdik jetekshisi - Qazaqstannyń eńbek sińirgen qaıratkeri, Qazaqstan Jastar odaǵy syılyǵynyń laýreaty Erlan Bilálov.
Aldaǵy kúnderi teatrsúıer qaýymnyń Saıd Ahmadtyń «Kelinder kóterilisi» komedııasy men Georgıı Hýgaevtyń «Qara shekpen» áfsanasyn tamashalaýǵa múmkindigi bar. Sonymen qatar, gastroldik sapar aıasynda kún saıyn balalarǵa arnalyp Ó.Boranbaevtyń «Er kójek» ertegisi qoıylýda.
