Kóksaraıda sýǵa batqan adamnyń múrdesi 2 táýlikten keıin tabyldy
NUR-SULTAN. QazAqparat - Túrkistan oblysynda Kóksaraı sý qoımasyna batyp ketken er adamnyń múrdesi eki táýlikten keıin tabyldy, dep habarlaıdy QazAqparat tilshisi.
QR TJM resmı ókili Talǵat Ýálıdiń aıtýynsha, Túrkistan oblysynyń Arys qalasynan 2020 jyldyń 18 qazanynda saǵat 18-30-da sýǵa batqan adamdy izdeýge kómek suraǵan habarlama kelip túsken.
«Aldyn ala málimetterge sáıkes, Baıyrqum aýyldyq okrýginde Aqqala aýylynan 20 shaqyrym jerde Kóksaraı kanalynda balyq aýlaý kezinde Shymkent qalasynyń Qarataý aýdany Qaınar bulaǵy shaǵyn aýdannyń turǵyny, 1982 jyly týǵan er adam jabdyqtalmaǵan jerde shomylǵan. 3 dosymen birge balyq aýlaý kezinde alkogoldi ishimdik ishkennen keıin ol sýǵa shomylamyn dep, sýǵa batyp ketken», - dedi ol.
Quramynda 6 qutqarýshy-súńgýir, 1 tehnıka jáne 1 qaıyq bar Shymkent qalalyq TJ departamentiniń jedel-qutqarý jasaǵy 19 qazanda saǵat 07.00-de izdestirý jumystaryn bastady. Kóksaraı arnasynyń - eni 100 m, tereńdigi 3 m, sý temperatýrasy + 8 s. Іzdeý jumystarynyń nátıjesinde 19 qazanda saǵat 09.04-te súńgýir Abaı Oljas er adamnyń múrdesin taýyp alyp, sýdan shyǵarǵan.
Oqıǵa ornyna Túrkistan oblysy Arys qalasynyń TJ bóliminiń, aýdandyq polıtsııa bóliminiń qyzmetkerleri de jumyldyryldy.
