Kóksaraı sý tospasynda eki mıllıard tekshe metrden astam sý jınaldy
ASTANA. 25 aqpan. QazAqparat - Kóksaraı sý tospasynda eki mıllıard tekshe metrden astam sý jınaldy. Bul týraly búgin Úkimette ótken selektorlyq keńesten keıingi brıfıngte Tótenshe jaǵdaılar mınıstri Vladımır Bojko málim etti.
Qazirgi kezde Kóksaraı sý tospasy tıisti deńgeıde jumys istep jatqanyna toqtalǵan mınıstr, qazirgi kezde onda 2 mlrd. 200 mln. tekshe metrden astam sý jınalǵanyn jetkizdi. Mınıstrdiń paıymdaýynsha, sý tospasy bolmasa atalǵan kólemdegi sý muz ústimen aǵyp, eldi mekenderdi sý basýy múmkin edi. Budan bólek, vedomstvo basshysy qazirgi kezde Ońtústik Qazaqstan oblysyndaǵy jaǵdaı qadaǵalanyp otyrǵandyǵyn aıtty. Osy oraıda tótenshe jaǵdaılar vedomstvosynyń ońtústik óńirdegi toby jumystaryn jalǵastyryp jatqandyǵyn jetkizdi.
