Kóksaraı sý rettegishiniń syıymdylyǵy 3 mlrd tekshe metrge jetkiziledi

ASTANA. QazAqparat – Kóksaraı sý rettegishin kúrdeli jóndeýge arnalǵan jobalaý-smetalyq qujattama ázirlenip jatyr. Bul jaıynda Premer-Mınıstr Álıhan Smaıylov Senat depýtattarynyń saýalyna bergen jaýabynda málim etti, dep habarlaıdy QazAqparat tilshisi.

«Búginde Syrdarııa ózeniniń basseıninde kóktemgi sý tasqyny kezeńi aıaqtaldy. 1 sáýirden bastap óńirdegi aýyl sharýashylyǵy taýaryn óndirýshileriniń qajettilikteri úshin Kóksaraı kontrrettegishinen sý shyǵarylady. Sondaı-aq, jınaqtaýshy syıymdylyqtardyń tehnıkalyq jaı-kúıin jaqsartý úshin Kóksaraı kontrrettegishin qaıta jaraqtaý boıynsha jobalaý-smetalyq qujattama ázirlenip jatyr. Qaıta jaraqtaý qorytyndysy boıynsha kontrrettegishtegi sýdyń jınaqtalý múmkindigin jobalyq kólemi 3 mlrd m3 deıin jetkizý josparlanyp otyr», - delingen jaýapta.

Sondaı-aq, qarymta sý rettegishi jyl saıyn jóndeýden ótetini aıtylǵan.

«Budan basqa, tótenshe jaǵdaılardyń aldyn alý úshin kontrrettegishti qaýipsiz paıdalaný qaǵıdalaryna sáıkes jyl saıyn aǵymdaǵy jóndeý túrinde profılaktıkalyq is-sharalar júrgiziledi», - dep jazady Álıhan Smaıylov.