«Kóksaraı» sý rettegishi tórt jyl boıy turǵyndardy Syrdarııa tasqynynan qorǵap keledi - TJM
ASTANA. 13 mamyr. QazAqparat - «Kóksaraı» sý rettegishiniń arqasynda tórt jyl boıy Syrdarııa basseıni tasqynnan qorǵalyp keledi.
Bul týraly búgin QR Parlamenti Májilisindegi Úkimet saǵatynda Tótenshe jaǵdaılar mınıstri Vladımır Bojko málim etti.
«Sý rettegishiniń arqasynda 2010-2013 jyldar aralyǵynda Ońtústik Qazaqstan jáne Qyzylorda oblystarynyń aýyl sharýashylyǵy jumystarynda paıdalanylatyn 9 mlrd. tekshe metr sý jınaldy. Der kezinde qabyldanǵan sharalar aýqymdy sý basý men eleýli zalal keltirýdiń aldyn aldy, onyń oryn alý múmkindigin boldyrmady», deıdi mınıstr V. Bojko.
Mınıstrdiń málimetine qaraǵanda, Elbasynyń tapsyrmasyn oryndaý maqsatynda memlekettik organdar arasynda kóktemgi tasqyn kezeńine daıyndyq boıynsha aýqymdy jumystar júrgizilgen. Onyń ishinde oblystardyń, Astana jáne Almaty qalalarynyń máslıhattary tasqynǵa qarsy is-sharalardy júrgizý úshin 14,5 mlrd. teńge bóldi. Al Úkimet rezervinen Shyǵys Qazaqstan oblysyna tasqynǵa qarsy kúres úshin 543 mln. teńge qarastyrylǵan.
