«Kóksaraı» sý problemasy boıynsha Qyrǵyzstan men Ózbekstanǵa táýeldilikten aryltty - V. Bojko
ASTANA. 21 mamyr. QazAqparat - Kóksaraı sý rettegishi sońǵy úsh jyl boıy oryn alýy múmkin tasqynnan qutqaryp qana qoımaı, elimizdi Qyrǵyzstan men Ózbekstanǵa sý problemalary boıynsha táýeldilikten aryltty.
Búgin Parlament Májilisinde ótken Úkimet saǵatynda Tótenshe jaǵdaılar mınıstri Vladımır Bojko osylaı málim etti.
Vedomstvo basshysynyń aıtýynsha, Elbasynyń tapsyrmasyna sáıkes, júzege asqan alyp jobalardyń biri - Kóksaraı sý rettegishi barynsha teńdessiz qysqa merzimde (8 jyldyń ornyna 3,5 jyl) paıdalanýǵa berildi.
«Kóksaraı sý rettegishi jobasy ekonomıkanyń ósý núktesine aınalyp, onyń qurylysyna 2,5 myń adam jumyldy. Nátıjesinde elimizdiń ońtústiginde turatyn 2,5 mln. adamdy sý tasqyndarynan qorǵaýǵa, Aral teńiziniń problemalaryn sheshý úshin tıisti jaǵdaılardy qamtýǵa septigin tıgizdi. Sońǵy jyldary sý rettegishinde 6 mlrd. tekshemetr tasqyndy sý jınaqtaldy. Sonyń arqasynda Ońtústik Qazaqstan, Qyzylorda oblystaryndaǵy sý tasqyndarynyń beti qaıtty. Sondaı-aq, jyl saıyn Syrdarııanyń tómengi aǵysyna quıylatyn rettelmeıtin aýqymdy sýlar problemalaryn sheshýde Qyrǵyzstan men Ózbekstannan táýeldilikten aryltty», - deıdi V. Bojko.
Onyń aıtýynsha, búgingi tańda Kóksaraıda 3 mlrd. tekshemetr sý jınaqtalyp, onyń 1 mlrd. tekshemetri jiberildi.
