Kókpektidegi tótenshe jaǵdaıǵa baılanysty qylmystyq is boıynsha kúdiktiler anyqtaldy
QARAǴANDY. QazAqparat - Qaraǵandy oblysy Kókpekti aýylyndaǵy tótenshe jaǵdaıǵa baılanysty eki qylmystyq is boıynsha kúdiktiler anyqtaldy, dep habarlady Qaraǵandy oblysy ІІD bastyǵy Mergenbaı Japparov.
«Tergeý júrgizilip jatyr. Kúdiktilerdi anyqtadyq. Qazir qosymsha saraptama taǵaıyndaldy», - dedi búgin Kókpektidegi TJ sebepteri men mán-jaılaryn tergeý jónindegi memlekettik komıssııa otyrysynda M. Japparov.
Biraq kimge aıyp taǵylatyny naqtylanǵan joq.
«Saraptama qorytyndysyn alǵannan keıin, tolyq aqparat beretin bolamyz», - dedi ІІD bastyǵy jýrnalısterge bergen suhbatynda.
TJ mınıstri Vladımır Bojkonyń aıtýynsha, baqylaýshy organdardyń da jaýapkershiligi anyqtalýda.
«Árıne, bógetterdiń tekserilgenine baılanysty aıtarlyqtar qıyndyqtardyń bary ras, oǵan qatysty qorytyndyǵa qol qoıylǵan. Qazirgi ýaqytta komıssııa qylmystyq is sheńberinde kim teksergenin, ázirlik aktisine kim qol qoıǵanyn anyqtaý ústinde. Biz úshin de qazir eń sheshýshi sát osy», - dep atap ótti TJM basshysy jýrnalısterge bergen suhbatynda.
