Kókpektide adam ólimine kináli tanylǵan V.Krıýchkovtyń advokaty onyń is-qımyly negizsiz baǵalaǵan dep sanaıdy
ASTANA. QazAqparat - Kókpekti aýylynda sý tasqyny saldarynan adamdardyń ólimine kináli tanylǵan V.Krıýchkovtyń advokaty Nıkolaı Malıýshenko onyń is-qımylyn negizsiz baǵalaǵan dep sanaıdy . bul týraly búgin ol Qazaqstannyń Ulttyq kásipkerler palatasynda uıymdastyrylǵan baspasóz máslıhatynda málim etti.
«Meniń qorǵalýshym apat oryn alǵan sátte «Tabıgat-XXI» JShS-niń tek quryltaıshysy bolǵan edi. Sondyqtan, onyń bul bapqa qandaı qatysy bar?», - deıdi ol.
Advokattyń atap ótýinshe, tergeý toby jetekshisiniń qaýlysynda bógettegi jumystardy júrgizý barysynda buzyldy delinetin qaýipsizdik erejeleriniń tarmaqtary kórsetilmegen.
Sondaı-aq, N.Malıýshenko V.Krıýchkov isin tergeý barysynyń aıyptaýǵa den qoıǵandyǵyn dáleldeıtin birqatar jaıttyń bar ekendigin alǵa tartyp otyr. Máselen, Qaraǵandy aýmaqtyq balyq sharýashylyǵy basqarmasymen aradaǵy shartta «Tabıǵat-HHІ» JShS-niń bógettiń jóndeýge qatysty qandaı da bir mindettemelerdi moınyna alatyndyǵy kórsetilmegen. Óıtkeni, ol memleketke tıesili. Buǵan qaramastan V.Krıýchkovtyń bastamasymen 2007 jyly Kókpekti sý qoımasyna komssııalyq tekserý júrgizilip, bógettiń apatty jaǵdaıda ekendigi anyqtalǵan. Alaıda, memlekettik organdar eshqandaı shara qabyldamaǵan. «Tabıǵat-HHІ» JShS óz qarjysy esebinen bógetke jóndeý jumystaryn júrgizgen.
Advokattyń aıtýynsha, Sot saraptamalyq ınstıtýtynyń sarapshylary bógettiń jobalyq-smetalyq qujattamasynyń bolmaýyna baılanysty is boıynsha qorytyndy bermegen.
Tergeý barysynda gıdrologtar men mamandandyrylǵan qurylys kompanııalaryn tartý arqyly saraptama taǵaıyndaý týraly qoldaý haty qaperge alynbaǵan. Saraptama júrgizýdi lıtsenzııa joq tarazdyq mamandarǵa tapsyrǵan. Biraq, olardyń bul iske qatysty qorytyndysy aıtyptaý túrinde bolǵan.
V.Krıýchkovqa «Tabıǵat-HHІ» JShS-ne basshylyq qyzmetti atqara otyryp, bóget jumysyna yqpal etetin qurylymdyq ózgertýlerdi ókiletti organdardyń qorytyndysyz, sáıkesinshe jobasyz júrgizip, qurylys jumystaryn júrgizý qaýipsizdigi erejesin óreskel buzdy dep aıyp taǵylýda.
Aıta keteıik, 2014 jyldyń naýryzynda Kókpekti aýylyndaǵy Kókpekti bógeti buzylyp, 5 adam qaza tapsa, 6 adam jaraqat alǵan bolatyn. Sonymen qatar, turǵyn úıler sý astynda qalǵan edi.
