Kókpekti aýylynda sý tasqynynan qaza tapqandardyń aty-jónderi belgili boldy
ASTANA. QazAqparat - Búgin Úkimet otyrysynda QR Tótenshe jaǵdaılar mınıstri Vladımır Bojko Qaraǵandy oblysyna qarasty Kókpekti aýylynda sý tasqynynan taza tapqan adamdardyń aty-jónin jarııa etti.
«Apattan qutqarý jumystaryn júrgizý barysynda 5 adamnyń múrdesi tabyldy. Olar: 1924 jyly dúnıege kelgen Noǵaev, 1926 jylǵy Nagıbına, 1942 jylǵy Romashenko, 1963 jylǵy Noǵaeva jáne 1979 jyly dúnıege kelgen Skebetskıı»,- dedi ol. Mınıstrdiń sózine qaraǵanda, medıtsınalyq kómekke 26 adam júgingen. Olardyń beseýi sýyq tııý, júıke júıesindegi kúızelis dıagonozdarymen aýrýhanaǵa jatqyzyldy. Jalpy sý tasqynynan 125 adam qutqaryldy.
