Kókpekti asýynda avtobýsy buzylyp jolda qalǵan 52 jolaýshy qutqaryldy
TALDYQORǴAN. QazAqparat - Almaty oblysynda 52 jolaýshy qutqaryldy, dep habarlaıdy QazAqparat.
Almaty oblystyq tótenshe jaǵdaılar departamentiniń málimetinshe, 52 jolaýshy mingen avtobýs elsiz dalada buzylǵan.
Jolaýshylar Eńbekshiqazaq aýdany Nura stansasynan 25 shaqyrym jerdegi Kókpekti asýynda, Boǵaty taýynda qalyp qoıǵan.
Olardy qutqarýǵa departamentten 3 qyzmetker jáne bir tehnıka kómekke keldi.
Avtobýs jolaýshylarynyń bári - Almaty qalasynyń turǵyndary.
Týrıster Nura stansasyna jetkizildi. Ári qaraı jolaı kezdesken kóliktermen óz betinshe dittegen jerine attanyp ketti.
