Kókpektidegi qutqarý operatsııasy: 381 adam jylytý pýnktine ornalastyryldy

ASTANA. KAZINFORM - Kókpekti aýdanynda adamdardy qutqarý boıynsha arnaıy operatsııa aıaqtaldy, dep habarlaıdy QR TJM baspasóz qyzmeti.

"381 adam, onyń ishinde 19 bala qutqaryldy. Qar qursaýynda qalǵan barlyq mashına tekserildi. Odardyń ishinde adamdar joq. Barlyǵy qutqarylyp, jylytý pýnktterinde ornalastyrylǵan. Erteń tańerteń joldy tazartý jáne tehnıkany qar úıindilerinen shyǵarý jumystary jalǵastyrylady" delingen habarlamada.

Kókpekti aýdanynda aýa raıynyń qolaısyzdyǵyna baılanysty TJ rejımi engizilgenin habarlaǵan edik.