Kókparshy kovboılar ózderin erekshe ádispen tanystyrdy

ASTANA. QazAqparat - Búgin, ıaǵnı 21 tamyzda Astanadaǵy «Qazanat» atshabarynda kókpar oıyndarynan bastalatyn halyqaralyq saıys aldynda amerıkalyq kókparshylar ózderin beınejazba arqyly erekshe ádispen tanystyrdy, dep habarlaıdy «QazAqparat» HAA tilshisi.

Beınejazba Qazaqstandaǵy AQSh Elshiliginiń Feısbýktegi paraqshasynda jarııalandy. Vıdeoda amerıkalyq kókpar komandasyndaǵy 13 kovboıdyń biri qymyz iship, ekinshisi baýyrsaq jese, úshinshisi dombyra tartý arqyly ózderin tanystyrady.

Eske sala ketsek, elordadaǵy «Qazanat» stadıonynda 21-28 tamyz aralyǵynda kókpardan álem chempıonaty ótedi. Aýqymdy jarysqa kórshiles eldermen qatar, AQSh pen Túrkııa elderiniń kókparshylary qatyspaq. Jalpy júlde qoryna 18 mıllıon teńge bólingen. Jeńimpaz komanda 10 mıllıon teńgeni oljalaıdy.