Kókpardan álem chempıonaty: jartylaı fınalǵa shyqqan komandalar anyqtaldy
ASTANA.KAZINFORM — Túrkistan qalasynda ótip jatqan kókpardan álem chempıonatynyń jartylaı fınalǵa joldama alǵan komandalar belgili boldy.
A tobynda úsh oıynda da jeńiske jetip, 27 saýyn salǵan Qazaqstan quramasy kósh bastady. Al Ózbekstan quramasy ekinshi orynmen jartylaı fınalǵa shyqty.
V tobynda qarsylastaryna birde-bir salym saldyrmaǵan Aýǵanstan quramasy kósh bastasa, Reseı quramasy ekinshi orynmen úzdik tórttik qataryna qosyldy.
Erteń 20 naýryzda Túrkistan atshabarynda jartylaı fınaldyq oıyndar ótedi. 21 naýryzda júldeli oryndar sarapqa salynyp, jeńimpazdar anyqtalady.
Dúnıejúzilik Kókpar qaýymdastyǵy, QR Kókpar federatsııasy, Ulttyq jáne at sporty ortalyǵy jáne Túrkistan oblysy ákimdiginiń uıymdastyrýymen ótip jatqan aıtýly jarysqa 9 eldiń qurama komandalar qatysyp jatyr. Olar: Aýǵanstan, Qytaı, Majarstan, Mońǵolııa, Reseı Federatsııasy, Tájikstan, Ózbekstan, Túrkııa jáne Qazaqstan.
Aıta ketsek, kókpardan álem chempıonaty sońǵy ret 2017 jyly ótken edi. Araǵa toǵyz jyl salyp kıeli Túrkistanda qaıta jalaýyn jelbiretti.
Osyǵan deıin habarlaǵanymyzdaı, Qyrǵyzstanda ótetin VI Dúnıejúzilik kóshpendiler oıynynyń resmı baǵdarlamasyna qazaqtyń kókpary endi.
