Kókpar týraly alǵashqy fılmniń treıleri shyqty
ASTANA. QazAqparat - Jelide «Myqtylar zamany» kórkem fılminiń treıleri jarııalandy, dep habarlaıdy QazAqparat.
Ortalyq Azııa halyqtarynyń ulttyq oıynyn kórsetetin sporttyq drama/ekshn janryndaǵy bul jobany «Salam, New York», «Anamdy izdep» fılmderimen tanylǵan qyrǵyzstandyq rejısser Rýslan Akýn taspalaǵan.
Kınokartına talantty kókpar oıynshysy, tadaı dodada top jarǵan «Jalyn» komandasynyń kapıtany Maqsat týraly baıandaıdy. Óte mańyzdy oıynda jeńilip qalǵan soń, «Jalyn» basshysy kókparǵa jaraly atpen shyǵýdan bas tartqan Maqsatty toptan shyǵarady. Týǵan jerine oralǵan Maqsat aýyldastarynan jańa komanda quryp, jeńiske umtylady.
Fılmdegi basty rólderdi qazaqstandyq akterler - Asylhan Tólepov pen Gúlnaz Jolanova somdaǵan. At ústindegi kaskaderlik trıýkterdi tanymal Nomad kaskaderlik toby oryndaǵan.
20 qyrkúıek kúni fılm el kınoteatrlarynda kórermen nazaryna usynylady.
