Kókónisi úsip ketken túrkistandyq sharýalarǵa kómek kórsetiledi

ASTANA. QazAqparat – Qatty aıazda tonnalaǵan ónimi úsip ketken Túrkistan oblysy sharýalarynyń jaǵdaıy ne bolmaq? Máseleniń mán-jaıyn óńir ákimi Darhan Satybaldy aıtyp berdi, dep habarlaıdy QazAqparat tilshisi.

«Sońǵy kúnderi kún qatty sýytyp ketti, ońtústik óńirlerde sońǵy 50 jylda mundaı tómen temperatýra bolmaǵan. Óńirde kómirge suranys eselep artty. Sýyqtan 43 gektar kólemindegi jylyjaıǵa zalal keldi. Anyqtalǵandaı, 33 gektardy quraıtyn jylyjaı tıisti qujatsyz, óz betinshe jumys istep turǵan jáne onda ónim bolmaǵan. ıAǵnı jylyjaı bos bolǵan», - dedi Darhan Satybaldy Úkimet otyrysynan keıin BAQ ókilderiniń saýalyna jaýap bere turyp.

Ákim bergen málimetke sáıkes 3,7 ga jerge qııar, qyzanaq jáne qulpynaı kósheti otyrǵyzyldy.

«Biz jylyjaı ıelerimen sóılestik. Kimde kredıt bar, tóleý merzimin shegertkimiz kelip otyr. Qujaty joq jylyjaı ıelerine de qol ushyn sozbaqpyz. Jalpy zardap shekken jylyjaılardyń basty problemasy - jylý tapshylyǵy. Qazandyq isten shyǵyp, sý qubyry qatyp qalǵan, saldarynan kóshetter úsip ketti», - deıdi óńir basshysy.

Aıta ketsek, buǵan deıin BAQ betterinde Shymkent qalasy men Túrkistan oblysyndaǵy jylyjaılarda ondaǵan tonna kókónistiń úsip ketkeni jazylǵan edi.