Kókónis sharýashylyǵynda tamshylatyp sýarý ádisi tıimdiligin tanytyp otyr
Búgin QR Parlamenti Senatynda «Agroónerkásip keshenin ındýstrııalandyrý mindetteri jáne bıýdjet qarajatyn tıimdi paıdalanýdy arttyrý» taqyrybyndaǵy parlamenttik tyńdaý barysynda Premer-Mınıstrdiń birinshi orynbasary Ómirzaq Shókeev osylaı aıtty, dep habarlaıdy QazAqparat.
«Kókónis pen jemis-jıdek ónimderin shyǵarý máselesinde tamshylatyp sýarý tehnologııasy óziniń tıimdiligin kórsetip otyr. Máselen, ashyq alańda bul ádisti qoldaný ónimdilikti eki esege deıin arttyrsa, jylyjaı sharýashylyqtaryndaǵy ónim on esege deıin kóbeıedi. «QazAgro» holdıngi osy ádisterdi qoldanyp, ónim alýdy bastaǵan edi. Onyń nátıjesi de qomaqty. Atap aıtsaq, «Ońtústik Qazaqstan oblysyndaǵy «Jańa aq dala» sharýashylyǵy aǵymdaǵy jyly myń gektarǵa jýyq jerge egilgen ónimderge tamshylatyp sýarýdy paıdalanǵan. Nátıjesinde gektaryna 100 tonnaǵa deıin ónim aldy. Al buryn kádimgi aryq jaǵalatyp sýarý barysynda ol jerdiń ónimi shamamen 25-30 tonnany ǵana quraıtyn edi. Osyǵan baılanysty, «Jańa aq dala» sharýashylyǵyn keńeıte túsý kózdeledi. Bul rette 2014 jylǵa qaraı atalǵan sharýashylyqtyń aýmaǵyn 2 myń gektarǵa jetkizý josparlanýda», dedi Ó. Shókeev.
Vıtse-premer aldaǵy ýaqytta respýblıkanyń basqa óńirlerindegi jylyjaılarǵa, kókónis sharýashylyqtaryna osy ádisti keńinen qoldaný qajettigin atap ótti.
