Kókónis ósirýshiler odaǵynyń tóraǵasy: Árbir gektar jerdi uqypty paıdalanýǵa tyrysamyz
ASTANA. QazAqparat - Qazaqstannyń Kartop jáne kókónis ósirýshiler odaǵynyń tóraǵasy Qaırat Bısetaevtyń paıymynsha, jerdi paıdalanýda memlekettiń júrgizip otyrǵan saıasaty salmaqty ári evolıýtsııalyq sheshimge negizdelgen.
«Biz ony tolyqtaı qoldaımyz. Engizilgen túzetýler bizge jeńildikti jaǵdaıda osy jerdi satyp alýǵa qosymsha serpin men múmkindik berip otyr. Sýarmaly egisterde jumys isteıtin kartop jáne kókónis ósiretinder osy bıznesti damytý úshin qyrýar qarjy salady. Biz búginde árbir gektar jerdi uqypty paıdalanýǵa tyrysamyz. Eger de osy múmkindik búginde bizge 10 jyldyń barysynda satyp alyp, erteńgi kúnge senimdi bolýy úshin múmkindik jasalyp otyrsa, bul óte jaqsy jaǵdaı dep oılaımyn», - dedi Q. Bısetaev Ortalyq kommýnıkatsııalar qyzmetindegi baspasóz máslıhatynda.
Osy rette ol fermerler úshin jerdiń ónimdiligin arttyrýǵa salǵan qarjynyń aqtalýyna senimdi bolýy óte mańyzdy bolyp tabylatynyn atap ótti.
Sonymen qatar Q. Bısetaev aýyl sharýashylyǵy ónimderin qaıta óńdeý salasyna ınvestorlar tartýǵa da ekpin qoıylýy kerek ekenin sóz etti.
