Kókónis qoımasynan tapa-tal túste 22 tonna banan urlap ketti
ASTANA. QazAqparat - Kalınıngradta Nepokorennyh dańǵylyndaǵy kókónis qoımasynda asa iri kólemdegi urlyq oryn aldy. Belgisiz bireýler 22 tonna banan tıep alyp ketken.
Derekkózdiń aqparatyna qaraǵanda, 17 qyrkúıekte qoıma aýmaǵyna Novgorod oblysynyń nómiri bar tirkemeli IVECO júk kóligi kirip, oǵan jemis salynǵan 1080 qorap tıelgen. Budan soń asyqpaı belgisiz baǵytqa tartyp otyrǵan.
Urlyq budan birneshe apta buryn jasalǵanyna qaramastan polıtsııaǵa jemis ıesinen ótinish tek 9 qazanda túsken. Qazirgi ýaqytta tekseris júrip jatyr, keltirilgen shyǵyn kólemi 1,3 mln. rýblge jýyq, dep habarlaıdy piter.tv.
