Kókónis ımportyna qatysty 4 memleketpen kelissóz júrgizildi – Serik Jumanǵarın

ASTANA. QazAqparat – Іri saýda jelileri azyq-túlik baǵasyn turaqtandyrý jumysyna qatysady. Bul týraly Úkimet otyrysynda Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Memleket basshysy baǵany turaqtandyrý quraldaryn qaıta formattaý mindettedi. Úkimet deńgeıinde barlyq qajetti ádisnamalyq jáne quqyqtyq jumystar atqarylǵanyn taǵy da atap ótkim keledi. Birinshiden, óndirýshilerge tikeleı qaryz berý boıynsha tásil qaıta formattaldy. Qazirgi ýaqytta qant zaýyttary úshin shıkizat qarjylandyryldy», - dedi ol. Mınıstrdiń aıtýynsha, ekinshiden, turaqtandyrý qorlaryn qalyptastyrý tetigi ózgertildi. Satyp alý egin jınaý, ıaǵnı baǵalar arzan kezinde, júzege asyrylady. Al turaqtandyrý qorlarynan ónimderdi satý maýsymaralyq kezeńde uıymdastyrylady. «Úshinshiden, forvardtyq satyp alý tetigi óndirýshilerden ónimdi satý sátine deıin saqtaýmen kelisimshart jasaýǵa múmkindik beredi. Bul 2023 jyldyń astyqtyǵyn 2024 jylǵy sáýir aıyna deıin qoldanýǵa múmkindik beredi. Satyp alýdyń forvardtyq ádisi 8 óńirde iske asyrylýda. Sonymen qatar, ishki naryqty erte ımporttyq kókónis ónimderimen molyqtyrý úshin Pákistan, Tájikstan, Ózbekstan jáne Iran bıznes qaýymdastyǵymen jáne Qazaqstan óńirlerimen V2V kezdesýler uıymdastyryldy. Saýda jelileri 9 200 tonna kóleminde kókónis jetkizýdi pysyqtady. Ózbekstannan ónim jetkizý boıynsha jasyl dáliz uıymdastyryldy», - dedi mınıstr.

Osy rette Serik Jumanǵarın respýblıkanyń barlyq iri saýda jelileri baǵany turaqtandyrý jónindegi jumysqa qatysatynyn atap ótti.

«Jergilikti atqarýshy organdar baǵanyń maýsymdyq aýytqýyn boldyrmaý úshin ımporttyq kókónisterdi jetkizýge óńirlik saýda jelilerimen ýaqtyly kelisimshart jasaýdy qamtamasyz etýi qajet», - dedi ol.