Koko Shanel Gıtler barlaýshylary úshin qyzmet etken bolýy múmkin
ASTANA. QazAqparat - Frantsııadaǵy ataqty dızaıner atanǵan Gabrıel (Koko) Shanel Ekinshi dúnıejúzilik soǵys kezinde natsıster úshin agent bolǵan. Bul týraly Frantsııa arnaıy qyzmetiniń sársenbi, 16 naýryz kúni jarııalaǵan muraǵattarynan málim boldy, dep habarlaıdy «Associated Press» agenttigi.
Koko Shaneldiń esimi Parıjdiń shyǵysynda ornalasqan Vensen bekinisinde saqtalǵan qujattamada tur. Atap aıtqanda, muraǵat qujatynda onyń 1942-1943 jyldary baron Gans Gıýnter fon Dınklageniń kóńildesi jáne agenti bolǵany týraly jazba saqtalǵan.
«Baron úgitshi bolyp jumys istegen, biz onyń nemis agenti bolǵan dep sanaımyz», - delingen qujattamada.
Muraǵattyń saqtalýyna jaýapty Frederık Kýgınerdiń aıtýynsha, Koko Shanel «abver-diń» (Germanııanyń áskerı barlaý qyzmeti) agenti bolǵan. Sonymen qatar, Kýgıner dızaıner nemister úshin naǵyz «aqparat kózi» bolyp eseptelingen. Al, dızaınerdiń ózi bul týraly bilmegen de bolýy múmkin.
Koko Shanel - «Chanel» sán úıin qurǵan frantsııalyq dızaıner. Óziniń birinshi dúkenin Shanel 1910 jyly Parıjde ashqan.
