Kóknárdi tıynǵa japsyryp, shekaradan alyp ótpek bolǵan qazaqstandyq qolǵa tústi

QOSTANAI. QazAqparat - Qostanaı shekara jasaǵynyń «Qaıraq-avto» bólimshesinde Reseıge bet alǵan 49 jastaǵy qazaqstandyq ustaldy, dep habarlaıdy QazAqparat shekara qyzmetine silteme jasap.

«Ótken túni shekarashylar arnaıy úıretilgen Maıa atty qyzmettik ıttiń kómegimen «Volvo» júk kóligimen elimizden Reseıge jol tartqan 49 jastaǵy qazaqstandyqty ustady. Azamatty jeke alyp shyǵyp, tekserý barysynda onyń qujattar salynǵan papkasynan qoıý-jasyl tústi, ıisi kóknár uryqtaryna uqsaıtyn, ósimdik tekti túıirshiktermen japsyryla kómkerilgen 100 teńgelik monetalar tabyldy» delingen habarlamada.

Ustalǵan azamat aıǵaq zatymen birge Qarabalyq aýdandyq polıtsııa bólimine tapsyryldy.