Kóknár tuqymyn satqan kókshetaýlyq áıel 10 jylǵa sottaldy

KÓKShETAÝ. KAZINFORM – Aqmola oblysynda 50 kg astam kóknár tuqymyn satý kezinde qolǵa túsken kókshetaýlyq áıel 10 jylǵa bas bostandyǵynan aıyryldy. 

QR UQK-niń Aqmola oblysy boıynsha departamenti baspasóz qyzmetiniń málimetinshe, sottalýshy áıel E.M.Dıýkova 2023 jyldyń 7 sáýirde QR UQK Aqmola oblysy boıynsha departamentiniń qyzmetkerleri júrgizgen jedel-izdestirý is-sharasy barysynda kóknár tuqymyn satý kezinde qolǵa tústi.

Oǵan tıesili azyq-túlik dúkenin tintý barysynda jalpy salmaǵy 1 150 kg bolatyn 46 qap jáne jalpy salmaǵy 27,5 kg bolatyn 55 polımerlik paketterge salynǵan kóknár tuqymy tárkilendi.

«Apıynnyń» jalpy salmaǵy 8,3 kg, al «kóknár sabanynyń» salmaǵy 38 kg-nan asady, bul esirtki zatynyń óte úlken mólsheri.

Sotqa deıingi tergeý barysynda E.M. Dıýkova 2019 jyldan bastap kóknár tuqymyn zańsyz satyp alýdy, olardy tasymaldaýdy, saqtaýdy jáne esirtkige táýeldi adamdarǵa ótkizýdi júzege asyrǵany anyqtaldy.

«Jaqynda sottyń sheshimimen E.M.Dıýkova QR QK 297-babynyń 3-bóligi 3-bólimshesi boıynsha qylmys jasaǵany úshin kináli dep tanyldy (ótkizý maqsatynda asa iri mólsherde esirtki zatyn zańsyz satyp alý, tasymaldaý, saqtaý) jáne 10 jyl merzimge bas bostandyǵynan aıyrý túrindegi jaza taǵaıyndaldy», - dedi vedomstvodan.

Sot úkimi zańdy kúshine endi.

Aıta ketsek, budan buryn eki azamat kóknár tuqymyn satqany úshin 10 jylǵa sottalǵanyn jazǵan edik.