«Kóknár-2015» sharasy barysynda qazaqstandyq shekarashylar 61 keliden astam geroın tárkiledi
ASTANA. QazAqparat - 31 mamyrdan bastap búgingi kúnge deıin «2012-2016 jyldarǵa arnalǵan Qazaqstan Respýblıkasyndaǵy nashaqorlyq pen esirtki bıznesimen kúres baǵdarlamasyna» sáıkes elimizde ótip jatqan «Kóknár-2015» jedel-saýyqtyrý is-sharasy barysynda esirtki tasymalymen 73 adam ustalǵan, dep habarlaıdy QR UQK Shekara qyzmetiniń baspasóz qyzmetinen.
Atalǵan is-sharalar kesheni esirtkiniń zańsyz aınalymyna, marıhýanany daıyndaýǵa, jınaýǵa jáne tasymaldaýǵa tosqaýyl qoıý, quramynda esirtkisi bar ósimdikterdiń, esirtki zattary kontrabandasynyń, psıhotropty zattar men shıkizattardyń jolyn kesý maqsatynda júrgizilýde.
Ustalǵandardyń 38-i bizdiń eldiń azamattary, 12 adam reseılik, 1 Ózbekstan azamaty, 17 adam Qyrǵyz respýblıkasynyń azamattary, 5-i tájikstandyqtar bolyp shyqty. Іs-sharalar barysynda 61 kg 042 gr. 800 mlgr geroın, 727 gr 006 mlgr marıhýana, 6 kg 728 gr 95,11 mlgr gashısh, 1 kg tóńireginde - aq tústi untaq zat (esirtki dep tanylǵan) tárkilendi. 2 199 kg 200 gr. jabaıy kendirqýraı órteldi. 0,97 ga jabaıy kendirqýraı alqaby anyqtalyp, joıyldy.
Esirtkimen kúresi sharalary ári qaraı jalǵasýda.
