«Kóknár-2012» operatsııasynyń barysynda polıtseıler 23 esirtki qylmysyn anyqtady
QOSTANAI. 20 maýsym. QazAqparat - «Kóknár-2012» operatsııasynyń birinshi kezeńinde qostanaılyq polıtseıler 23 esirtki qylmysyn anyqtady, sonyń ishinde tyıym salynǵan zattardy satýdyń 18 faktisi bar.
Oblystyq ІІD-niń baspasóz qyzmetinen habarlaǵandaı, Rýdnyı qalasyndaǵy esirtki bıznesine qarsy kúres departamentiniń qyzmetkerleri asa iri kólemdegi esirtki bar eki er adamdy ustady. Sol jerde 33 jastaǵy áıel de ustaldy, jeke tekserý barysynda odan salmaǵy 1,265 gramdy quraǵan geroın alyndy. Ustalǵan azamatsha buǵan deıin birneshe ret esirtki qylmysy úshin jaýapqa tartylǵan bolatyn. Endi ol qamaýǵa alyndy.
Qostanaıda jeke tekserý barysynda shalbarynyń qaltasynan jalpy salmaǵy 2 gramnan astam geroın salynǵan eki orama tabylǵan 24 jastaǵy er adam qolǵa tústi. Budan keıin onyń páterin tekserý barysynda polıtseıler polıetılen paketterine salynǵan geroın anyqtady. Ustalǵan azamat esirtkini satý maqsatymen saqtady. Sot onyń qamaýǵa alynýyn sanktsııalady.
Qostanaı oblysy aýmaǵyndaǵy «Kóknár-2012» operatsııasy 1 maýsymnan 30 qazanǵa deıin jalǵasady.
