Qoqys jınaýshylar ereýili: Bırmıngemde bılik áskerılerdi jumyldyrdy

ASTANA. KAZINFORM — Ulybrıtanııanyń Bırmıngem qalasynda qoqys jınaýshylardyń ereýili saldarynan qala kóshelerinde qoqys úıindileri kóbeıip, sanıtarlyq jaǵdaı nasharlady.

Jergilikti bılik jaǵdaıdy baqylaýda ustaý úshin áskerı kúshterdi tartýǵa májbúr bolǵan. Bul týraly brıtandyq The Daily Telegraph gazeti dúısenbi, 14 sáýirde derekkózderge silteme jasap málimdedi, dep jazady DW.

Qala ákimshiliginiń málimdeýinshe, áskerı qyzmetkerler ýaqytsha qoqys jınaý jumystaryn atqarady. Bul sheshim turǵyndardyń densaýlyǵy men qaýipsizdigin qamtamasyz etý maqsatynda qabyldanǵan.

Qoqys jınaýshylardyń ereýili eńbek sharttaryn jaqsartý men jalaqyny kóterý talaptarymen baılanysty. Bılik pen jumysshylar arasyndaǵy kelissózder áli de jalǵasyp jatyr.

Qala turǵyndary bıliktiń áreketin ártúrli qabyldaýda. Keıbireýleri jaǵdaıdyń turaqtanýyna úmittense, endi bireýleri áskerı kúshterdiń tartylýyn synǵa aldy.

Bırmıngemdegi ereýil 11 naýryzda bastaldy. Sodan beri qala kóshelerinde 17 000 tonnadan astam qaldyq jınalyp qalǵan. Turǵyndar kemirgishterdiń kóbeıip ketkeninen shaǵymdanýda.

Kásipodaq jetekshileri qazir qalany da, eldi de basqaryp otyrǵan Ulybrıtanııanyń Leıborıster partııasyn ymyraǵa kelýge daıyn emes dep aıyptaıdy.

Aıta keteıik, buǵan deıin Germanııanyń Kıl qalasy kommýnaldyq jumysshylar ereýilinen keıin qoqysqa tolǵanyn jazǵan edik.