Qoqys jáshigi dep, kontrabandalyq temekini alyp ótpek bolǵan
AQTAÝ. KAZINFORM – Aqtaý teńiz portynda kontrabandalyq taýar tárkilendi. Keden beketiniń qyzmetkerleri QR Ulttyq Qaýipsizdik Komıteti Shekara qyzmetimen jáne ekonomıkalyq tergeý departamentimen birge Bas kólik prokýratýrasynyń talaby boıynsha, kedendik tekserý barysynda Iran Islam Respýblıkasynan kelgen júk konteınerinde temeki partııasyn anyqtady.
Biraq, taýar qujat boıynsha «qoqys jáshigi» dep kórsetilgen. Júk konteınerin jóneltýshi ırandyq kompanııa, al taýardy alýshy qazaqstandyq JShS-niń biri bolyp shyqty.
Qazirgi ýaqytta tasymaldaý obektisinde kedendik tekserý jalǵasyp jatyr. Ózge aqparattar tergeý múddesi úshin jarııa etilmeıdi.
QR Konstıtýtsııasynyń 77-baby 3-tarmaǵynyń 1-tarmaqshasyna jáne QR Qylmystyq is júrgizý kodeksiniń 19-baby 1-bóligine sáıkes, adam qylmystyq quqyq buzýshylyq jasaýdaǵy kinási zańdy kúshine engen sot úkimimen belgilengenge deıin kinásiz dep esepteledi.
Buǵan deıin Jambyl oblysynda 2 vagon kontrabandalyq temeki anyqtalǵan bolatyn.
Al, Batys Qazaqstanda 670 mln teńge turatyn kontrabandalyq taýarlardyń joly kesildi.
